Jeugdprins Tim van de Geitebukskes oet Thoear

03-02-2018

Ich zal mich effe vuuerstèlle. Ich bèn Tim Janssen. Op 10 mei 2006 deej ich in Wieërt vuuer de ieërste kieër mien ouge oeape. Miene pap is Aod Prins John de 2dje en mien mam Harriet Janssen. Ich höb ein breurke Siem en dae is 7 jaor. Ich woean oppe Vlassaardstraot nummer 4.
Door de waeks zit ich in groep 8 van basissjoeal “de Koningsspil”. Op maondigaovendj, woonsdigaovendj en op zaoterdig bèn ich op ’t voetbalveldj te vinje en spuuel ich bie FC Maasgouw jo13.
Verder volg ich trómlès bie sjötterie St. Michaël & St. Ansfried Thoear en sjeet ich gaer bie de sjötterie oppe tied mien puntjes aaf. Es ich nog get tied uuever höb spuuel ich gaer boete same mèt mien vrinj, of doon ich eine game op miene tablet.
Vastelaovesveerder bèn ich in hert en nere en wae gaon der dus ouch same mèt mien Adjudante Michael en Lars en kössemeisteres Ivanka en de hieële jeugdraod eine geweldige vastelaovendj van make en de doon wae ónger miene spreuk:
Es deze scepter zwejtj, is ’t zeker det oze vastelaovendj drejtj.”